• Facebook - Black Circle
  • Instagram - Black Circle
  • Sigrún Bibbi

Byrjuðum daginn með nýbökuðu rúgbrauði


Við Myrra Venus byrjuðum daginn snemma með nýbökuðu rúgbrauði og hún með nokkrum auka skömmtum af smjöri ;)

Ég á það til að mikla sum verk fyrir mér og kem mér ekki í þau, en um leið og ég byrja á þeim þá er allt svo ekkert mál. Eins og með að baka rúgbrauð, kleinur, snúða og piparkökur, ef ég leyfi of löngum tíma að líða á milli þess að baka þetta þá kem ég mér ekki í verkið þó ég viti að þetta sé ekkert mál.

Þetta rúgbrauð er algjört sælgæti og súper einfallt og ég elska súper einfalda hluti ;)

460gr. rúgmjöl

260gr. heilhveiti

3 tsk. salt

3 tsk. matarsódi

1 L. súrmjólk

350gr. síróp

Öllu hrært saman (ég nota bara skál og sleif), sett í 3 mjólkurfernur, loka fernunum og inn í ofn á 100° í 9 klst.

Mér finnst fínt að setja brauðin í ofninn klukkan tíu á kvöldin og taka þau út klukkan sjö á morgnana, dásemd að vakna við ilm af nýbökuðu :)

Ég geri alltaf tvær eða þrjár uppskriftir á sama tíma þá er ég með 6-9 rúgbrauð, en ég margfalda ekki uppskriftina ég geri hana frekar 3 sinnum, þá er mjög auðvelt að eiga við deigið :)

Myrra Venus nývöknuð og byrjar daginn á nýbökuðu rúgbrauði <3

Börnin mín elska smjör þegar þau eru lítil og vilja svo varla sjá smjör þegar þau eldast ;)


112 views

Sigrún Elísabeth 

Siðustu færslur

January 2, 2020

October 4, 2019

July 4, 2019

April 21, 2019

March 18, 2019

January 10, 2019

December 11, 2018

Please reload

Please reload